Si Pepe

Bakit pa kailangan ng kalayaan kung ang mga alipin ngayon, ay s’ya na’ng mang-aalipin bukas, Isa sa mga sinabi ni Rizal noon, sabagay tama nga naman si Pepe, ay oo sandali sino si Pepe?, siya ang bayani’ng nagmula sa bayan ng calamba, Laguna, laki’ng may kaya sa buhay, hindi ka nga naman makakapag-lakbay sa iba’ng bansa kung mahirap ka lang, si Jose’ Rizal ay kabilang sa mga Illustrado duon sa Espanya at Paris, katropa niya ang mga tanyag na pintor na sina, Juan Luna at Felix Hidalgo, naging kabarkada rin niya sina, Trinidad Pardo de Tavera, na ang kapatid na babae ni Tavera ay naging asawa naman ng pintor na si Luna, na si Paz Pardo de Tavera ang nakababata’ng kapatid ni Juan Luna, na si Antonio Luna, na naging Heneral ng Rebulosyon, nabanggit si Antonio Luna, naging karibal din daw niya ito sa babae, na nagngangalan’g Nelly Bausted,  Kasapi rin si Rizal sa La Solidaridad ni Marcelo H. Del Pilar, kasama rin sina Antonio Luna, Graciano Lopez Jaena, Jose’ Maria Panganiban at Mariano Ponce’, siya rin ang may akda ng Noli Me Tangere at El Filibusterismo, meron rin pala’ng ikatlo’ng nobela si Rizal na hindi natapos, at sa kauna-unahan’g pagkakataon ay sa wika’ng Filipino niya ito isinulat, kaya lang hindi niya natapos.  At ito pa, kapenpal din niya si Ferdinand Blumentritt  ang aleman na marami’ng alam tungkol sa Pilipinas.

Sa a-trenta ng Desyembre ay ika isa’ng daan at labi’ng anim na taong anibersaryo ng kamatayan ni Dr. Jose’ Protacio Rizal Mercado Y Alonzo Realonda, ang haba naman ng pangalan ni kuya, sige na nga Dr. Jose’ Rizal nalang.

Ayun sa aklat ng batikan’g Historyador ng bansa na si Ambeth Ocampo sa kanya’ng Rizal without the overcoat, Si Rizal daw ay isa’ng conscious hero?, ano daw?, oo ‘yun nga mismo, sa kanya’ng mga liham, sulat, diaries,  na nakaplano na pala ang buong buhay niya, lahat wala siya’ng sinayang, lahat tinapos niya, at pati rin daw pala ang sarili niya’ng kamatayan? Grabe’ pala ito’ng si Pepe. Gumamit din siya ng pangalan’g laong-laan o ang ibig sabihin ever prepared, para’ng boy-scout ah.

Matapos ni Rizal sa La Solidaridad, umuwi na siya ng Pilipinas upang itatag ang La Liga Filipina nuong 1892, naging kasapi nito ang magiging supremo ng katipunan na si Andres Bonifacio, ang La Liga ni Rizal na ang  layunin ay ang reporma, at wala’ng anuman’g rebolusyon, ayaw parin ito ng mga Kastila, ilan’g araw palang ang La liga, ay ipinatigil na agad ito, at ipinahuli si Rizal, ipinatapon sa Dapitan, at duon nga nakilala ang babae’ng susunod na mamahalin niya, si Josephine Bracken, pero huwag na natin pa ang pagiibigan ng dalawa, mahabang usapan na kasi. Ang Pagkabuwag ng La Liga ay siya pala’ng pinto na magbubukas sa pagkakatatag ng Katipunan ni Andres Bonifacio, pero isa lamang sekreto’ng grupo ang Katipunan, pero ang sabi nga eh, wala’ng sekreto’ng hindi nabubunyag sa mga Kastila, isa-isa’ng ipinahuli ang mga pinaghihinalaan’g kasapi nito, kabilang na nga si Antonio Luna, ng kalaunan ay naging kasapi rin siya, pero hindi kagaya ni Pepe, kailanman ay hindi siya sumali sa katipunan, matapos ang sintensya niya sa dapitan ay nagboluntaryo siya’ng magserbisyo sa bansa’ng Cuba, at ito ay pinahintulutan ng nuo’y Gobernador Heneral na si Ramon Blanco, Oo hindi ko siya kamag-anak, ka-apelyido lang siya ng nanay ko. Subalit inaresto rin siya at ipanukulong sa espanya, at pinabalik sa Pilipinas upang harapin ang husgado at sagutin ang mga akusasyon sa kanya. Ilan sa mga tanong sa kanya ay kung kilala ba niya ang supremo ng katipunan at kung ano ang kinalaman niya sa pag-aalsa, mabigat ang paratang sa kanya, ang mga larawan niya ang nakasabit sa mga opisina ng katipunan, pati pangalan niya ay naging password, grabe talaga ang paghanga sa kaniya ng supremo, malaki ang paniniwala ng mga Kastila na si Rizal ang dahilan ng rebolusyon, at ito nga ang dahilan ng kaniya’ng kamatayan, kalmado niya’ng hinarap ang kanya’ng katapusan.

Ila’ng bese na tinanggihan ni Rizal ang paghihimagsik, ang rebolusyon, at ang pag-aalsa, isa siya’ng Repormista at propagandista, kaya niya siguro sinabi’ng bakit pa kailangan ng kalayaan kung ang alipin ngayon ay siya naman’g mang-aalipin bukas. Ayaw man niya sa rebolusyon, pero naging insperasyon siya ng mga rebolusyonaryo’ng Pilipino.  Sa huli pinatunayan ni Rizal na mas matalas parin ang pluma kaysa sa anumang lanceta, mas masakit parin makatama ang mga letra at salita, kaysa sa anuma’ng bala.