TRESE'



Marami tayong mga pinaniniwalaang malas at mga bawal, o mga pamahiin, malas ang magwalis sa gabi, ‘di raw pwede’ng dalhin ang pagkain sa bahay galing libing, at kapag ikaw naman ay namatayan ng kamag-anak o ito’y pinatay, maglagay lang dawn g sisiw sa ibabaw ng kabaong nito, para madaling malutas ang kaso, kapag nakakakita ng pusang itim ay agad tayong umiiwas, bakit? natural lang naman ang pusang itim ah, mas nakakatakot pag may pusang kulay bughaw o pula,  at kung anu-ano pang mga paniniwalang hanggang ngayon ay pinaniniwalaan parin, pero isa na yata sa pinakanakakatakot  sa lahat ay ang numerong trese' oo sa English 13, ewan ko ba kung anong meron sa numerong ito at maraming natatakot, mas lalo pang pinatindi kapag dinagdagan mo na ng biyernes sa unahan, viernes trece', tingnan ko lang kung di kapa kilabutan.

Nung una parang ayaw ko’ng isulat ‘to, kasi nga malas daw eh, pero sabagay ano nga ba ang meron sa viernes trece o Friday the 13th?, eh ordinaryong araw at numero lang naman ang mga ‘to, bakit pag lunes trese’ o anong araw pa yan hindi naman malas ang tingin natin. Kung ating matatandaan si dating pangulong Estrada ay ika labing-tatlong Presidente ng Republika ng Pilipinas, kaya daw siya napa-alis sa pwesto dahil sa siya nga ay ika treseng umupo sa pwesto, pero may kinalaman nga ba ang numerong trese sa kaniyang kapalaran?, ‘di ba’t siya mismo ang pumili ng kaniyang kapalaran?. Sinasabing noong unang panahon na ang araw ng kamatayan ng ating Panginoong Hesus ay byernes at Siya ay ika labing tatlong Tao sa imahe ng The Last Supper, malas nga ba?, tandaan ang araw ng kanyang kamatayan ay ang araw na tayo ay kanya’ng iniligtas sa kasalanan.

Sinasabing sa mga numero, ikinukonsiderang ang dose’ ay ang numero ng pagkokompleto dahil sa maryoon lamang tayong labing-dalawang buwan sa isang taon, labing dalawang oras sa isang orasan, labing-dalawang tribo ng Israel at kung anu-ano pang mga halimbawa ng dose’.

Tingnan natin, ano nga ba ang kinalaman ng mga pamahiin sa kapalaran ng isang tao?, o mga paniniwala, at saka tayo naman talaga ang gumagawa ng kapalaran natin, kung pinili ng iba liku-likong landas ang kahantungan niya ay ganu’n din, ayun kay Hesus ang taong nabubuhay sa armas, sa armas din mamamamatay at hindi sa kung ano mang numero o pamahiin, sabi nga ng iba wala naman daw mawawala kung maniniwala ka, yun ang akala nila, pero ang totoo nawala na ang tiwala natin sa Panginoon dahil sa mas pinaniniwalaan pa natin ang mga pamahiing ito.

‘to ang tandaan nating lahat, hindi naman talaga malas ang trese’, isipin ‘nyo to, kung malas nga at walang kwenta ang numerong trese’ eh di sana wala na ang 13th month pay.

Mga Komento

Mag-post ng isang Komento

Mga sikat na post sa blog na ito

TEJEROS CONVENTION 1897: Ang Una'ng Eleksyon

Imahe
Eleksyon na naman, panahon na naman ng pakikipagplastikan sa isa’t-isa ng mga kandidato, panahon na naman ng dayaan? Ang mga magkakalaban nuon? Magkakampi na ngayon, ang mga magkatunggali nuon? Magkasangga na ngayon. Samu’t sari’ng pangako na naman ang bibitawan, pero may natutupad ba? Aba’y ewan ko. Ito rin ang panahon na marami’ng kalsada ang aayusin, pero sandali, aayusin nga ba? At bakit naman sa tuwing nalalapit ang eleksyon gagawin? Ano ang binabalak? Ano ang plano? Ang tunay plano? Marahil ang halos lahat sa atin ay alam na sagot. Sa nalalapit na eleksyon, mayroon na naman ba’ng mawawalan ng mahal sa buhay? Mababawian ng buhay? Mga gahaman sa kapangyarihan. Gagawin ang lahat para lamang manalo, dayaan, bilihan ng boto, dagdag bawas, marumi at magulo’ng eleksyon. Pa'no nga ba nagsimula ang eleksyon at kailan?     Sa kasaysayan sinasabi’ng at tinuturing na una’ng eleksyon ay ang Tejeros Convention ng mga Pilipino’ng Revolusyonaryo o mga kasapi ng ...
Magbasa nang higit pa

HENERAL LUNA

Imahe
Pasukan na naman, marahil ay isa ka sa mga mag-aaral na dama’ng-dama parin hanggan’g ngayon ang bakasyon, marahil ay bitin pa sa dalawa’ng buwan’g pahinga mula ‘sangkakutak na asignatura, mga kaliwa’t-kanan’g mga proyekto, at wala’ng humpay na mga pagsusulit, nagkakandarapa sa pag-abot ng mga minimithi’ng marka. Pero alam ko naman na naaalala n’yo parin ang kaklase’ n’yo, ang inyo’ng mga hinahangaan’g “kaklase”,  pero kaakibat n’yan ang masungit na guro, strikto’ng guro, at may mga med mainitin’g ulo na mga guro.                                                                               ...
Magbasa nang higit pa

ANG HALiGi

Imahe
Ang haligi ng tahanan, ang tagapagtaguyod ang simbolo ng katapangan sa pamilya, ang ama o ang lalaki, Sabi nga nila tayo daw masusunod, pero mayroon rin ibang nagsabing iba na raw ngayon sa panahong moderno, sa panahong di lang ang lalaki ang simbolo ng lakas at tapang, sa panahong kaya narin daw ng babae gampanan ang tungkulin ng lalaki, sa katunayan sa kasaysayan ng Pilipinas ay dalawang babae na ang naging Presidente, at isa na nga rito ay masyadong kontrobersyal, pero 'wag na nating ungkatin pa, basta ‘wag na ayos ba yon?.  Ano ang gusto kong ipahiwatig?, ano ang gusto kong sabihin?, eto yun eh, sabi ng kaibigan ko kahit gaano pa raw ka-angas ang isang lalaki pag si misis na ang nagalit, siguradong magtatago ang buntot nito, kahit sinong matapang ay dadaigin ng bangis ni misis, may kasabihan nga walang matigas na tinapay sa mainit na kape, dahil nga raw shotgun lang ang gamit mo pero iba ang gamit ni misis isang mabilis ngunit deadly naman kung gamitin eto ang machi...
Magbasa nang higit pa